المقالات

كيف تمنع حدوث الإصابات المزمنة ◾ إختفاء أعراض الالم بعد الإصابات مش معناها إنك خلاص خفيت وجاهز ترجع تمارس نشاطاتك تاني ◾اومال معناها إيه؟ دا اللي هنحاول اوضحه لحضرتك في السطور القادمة ➖➖➖➖➖➖➖➖➖➖➖➖➖➖➖➖ 🔵 أغلب حالات الإصابات اللي بتيجي العيادة لما بتاخد منه تاريخ الاصابة هيقولك انه زمان كانت حصلت له اصابه في نفس المكان واخد راحه مع بعض الادوية والمسكنات والالم خف ورجع الحمد لله يمارس حياته تاني بشكل طبيعي ولكن مازال حتي الان لما بيعمل حركات معينه او مجهود معين بيحس بالالم تاني في نفس المكان ◾ ياتري إيه معني الكلام دا؟؟؟ الراجل دا لما حصلت له الاصابه أول مره كانت إصابة حادة و الإصابات الحادة دي بيحصل فيها حاجتين✌ 1⃣ تغيرات فسيولوجية تتمثل في إلتهاب الانسجة حول موقع الإصابة وبيصاحبها بعض الأعراض مثل الألم والاحمرار والتورم و إرتفاع درجة حرارة الجزء المصاب 2⃣ تغيرات نسيجية وهي التغيرات الماديه التي تحدث في النسيج المصاب من تهتك او تمزق للانسجه ثم يليها عملية تكوين نسيج جديد (يكون نسيج بدائي ضعيف) ثم يتحول الي نسيج طبيعي قوي ثم يتشكل بعد ذلك لنفس حجم وشكل النسيج الأصلي ➖➖➖➖➖➖➖➖➖➖➖➖➖➖➖➖ 🔵 طيب تعالو نشوف الراجل دا كيف تعامل مع الإصابة الحادة؟ 👈 تم العلاج عن طريق راحه سلبية وعلاج دوائي للأعراض في صورة مسكنات ومضاد للتورمات ومضاد التهابات 👈 النوع دا من العلاج اسمه علاج سلبي passive treatment ◼ العلاج السلبي يعمل فقط علي تحسن التغيرات الفسيولوجية والسيطرة علي أعراض الالتهاب ولكنه لا يلعب أي دور فيما يحدث من تغيرات نسيجية كعملية التئام الانسجة وعودتها كما كانت ◼يعني بيخفف الأعراض ومش بيساهم في عملية إعادة بناء الانسجة ◾ فبتكون النتيجه ان أعراض الألم والالتهاب اللي كانت بتمنع إستخدام الجزء المصاب بتختفي ◾في الوقت دا بيعتقد المصاب إنه خلاص خف وتعافي من الإصابة وبيرجع يمارس نشاطه تاني ◾ولكن الحقيقة إن الاصابه لسه مخفتش ولسه في أنسجة لم تلتئم يعني التغيرات النسيجية مازالت موجودة والعلاج السلبي اللي هو عملها معملش فيها أي حاجه ◾ودا معناه إن النسيج المصاب مازال غير ناضج وغير قادر انه يستحمل مجهود 👈فيتحول إلي نسيج ليفي ودا نسيج غير وظيفي 👈ودا بيخلي الاصابه تتحول من إصابة حادة إلي إصابة مزمنة ودا اللي حصل مع الحالة اللي بنتكلم عنها ➖➖➖➖➖➖➖➖➖➖➖➖➖➖➖➖ 🔵 في الإصابات المزمنة لايوجد تغيرات فسيولوجية زي اللي كانت موجوده في الإصابات الحادة 👈يعني المصاب مش بيكون عنده ألم حاد وتورم وانتفاخ وارتفاع درجة حرارة مكان الإصابة 💡ولكن بيكون عنده تغيرات تخص النسيج نفسة تتمثل في وجود نسيج ليفي محل الإصابة و هو نسيج غير وظيفي 👈نسيج غير وظيفي معناه إن الألم والخلل بيظهر منه اثناء القيام بالوظيفة والتعرض للمجهود اما اثناء الراحة او اى وظيفة اخري لا تحتك بهذا النسيج فهو خالي من الالم تماما كانه مفيش إصابة ◼ طيب ازاي نقدر نحل المشكله دي؟🤔 علشان نحلها لازم نعمل حاجه اسمها علاج تفاعلي active treatment النوع دا من العلاج كان المفروض يتم بعد العلاج السلبي (الراحة السلبية والأدوية) مباشرة علشان الإصابة متتحولش الي إصابة مزمنة ➖➖➖➖➖➖➖➖➖➖➖➖➖➖➖➖ 🔵 تعالو نفرق بين العلاج السلبي والعلاج التفاعلي 1⃣ العلاج السلبي هو وسيلة علاجية بستخدمها لتخفيف أعراض الالتهاب (الالم - الاحمرار - التورم - السخونة) ◾من امثلة الوسائل المستخدمة في العلاج السلبي: ✅كمادات الثلج ✅الراحه السلبية ✅استخدام الرباط الضاغط ✅رفع الجزء المصاب اعلي من مستوي القلب ✅استخدام المسكان ومضادات الالتهاب 2⃣ اما العلاج التفاعلي ف دا بستخدمة للتعامل مع التغيرات التي تتم في النسيج محل الاصابة ◾وبيكون الغرض منه تحسن التئام الانسجة وتكوين نسيج حيوي قوي قادر علي أداء الوظيفة ◾وعدم تحويل النسيج الجديد المتكون إلي نسيج ليفي غير وظيفي ◼والنوعودا بنبدأ فيه بعد فتره الراحه والعلاج السلبي واختفاء اعراض الالتهاب ◼وبيكون في شكل بعض التمارين العلاجيه زي مثلا (علي سبيل المثال لا الحصر): ✅تمارين الإطالة للعضلة المصابة ✅تمارين زيادة مدي الحركة ✅تمارين الثباتات لتقوية مكان الاصابة ✅تمارين التوافق العصبي العضلي ✅تمارين المقاومة الخفيفة علشان أحول النسيج الجديد لنسيج قوي يقدر يستحمل نفس مجهود ووظائف النسيج الأصلي ➖➖➖➖➖➖➖➖➖➖➖➖➖➖➖➖ 💡يبقي دلوقتي نقدر نقول إن اختفاء أعراض الالم بعد الإصابات مش معناها إنك اتعالجت وجاهز ترجع تمارس نشاطاتك تاني 👈ولكن معناها إنك جاهز تبدأعلاج يبقي نخلي بالنا وبلاش نهتم بتخفيف الاعراض فقط وبلاش لما نلاقي الاعراض اختفت نسمح لنفسنا بالرجوع لممارسة الرياضة علشان بكدا انت بتساهم في تحويل مشكلة الي إصابة مزمنة